Þann 4. mars hélt Helga Katrín Tryggvadóttir fyrirlestur í Víkinni - sjóminjasafni á vegum Íslenska vitafélagsins-félags um íslenska strandmenningu. Þar sagði hún frá rannsókn sem hún gerði fyrir samgönguráðuneytið árið 2008. Markmiðið var að kanna fjölda þeirra kvenna sem sækja sjóinn á Íslandi, starfsaðstæður, upplifun af starfinu og viðhorfum samfélagsins. Hlutfall kvenna af sjómönnum hefur ekki verið og er ekki í dag mjög hátt, en konur á Íslandi hafa þó stundað sjómennsku um aldir. Ekki virðist mikið um mismunun eða fordóma í garð kvenna hérlendis og skýringuna á því hvers vegna konur stunda ekki sjómennsku í meira mæli má vera að finna í menningarlegum normum fremur en ótta við fordóma. Glærur frá fyrirlestrinum birtast hér, en rannsóknina í heild sinni má finna hér á síðunni undir „Vinna kvenna á sjó“

Þær fiska sem róa