|
Námskeið í viðhaldi og endursmíði gamalla trébáta. |
|
 Sífellt glæðist áhugi á smíði og viðhaldi gamalla trébáta. Á Bátasafni Breiðafjarðar á Reykhólum er að finna einstaklinga sem hafa miklu að miðla, bæði í bátasmíði sem og öðru handverki og sögu.
Dagana 6. - 18. september næstkomandi verður námskeið í Bátasafni Breiðafjarðar á Reykhólum í viðhaldi og endursmíði gamalla trébáta. Námskeiðið er verklegt og öllum opið.
Á námskeiðinu verður gert við súðbyrtan vélbát sem er 6.5 m. Áætlað er að skipta námskeiðinu í fernt og geta þátttakendur því bæði valið að taka allt námskeiðið eða einungis hluta þess.
Námskeiðið skiptis þannig:
6. - 8. sept. Skipt um afturstefni.
9. - 11.sept. Skipt um í byrðing.
12.- 14. sept. Höggvin bönd.
15.- 18. sept. Skipt um borðstokka.
Einnig verður fjallað um segl og reiðabúnað með gamla laginu.
|
|
Nánar...
|
|
|
Skrímslasafnið á Bíldudal |
 Verkefnið:
Sérstök áhersla verður á Arnarfjörð sem mesta skrímslasvæði á Íslandi, miðað við þann fjölda sagna sem til er þaðan.
Uppbygging Skrímslaseturs á Bíldudal í þeim tilgangi að varðveita og kynna á lifandi hátt þær þúsundir skrímslasagna sem til eru um tilvist skrímsla á Íslandi.
Hverjir standa að verkefninu?
Að verkefninu stendur Félag áhugamanna um skrímslasetur sem samanstendur af fjölda brottfluttra Arnfirðinga sem vilja leggja gömlu heimabyggð sinni lið.
Húsnæði:
Hús gömlu Matvælaiðjunnar á Bíldudal var keypt 2007. Húsið er um 800 m2 að stærð og var í mjög slæmu ástandi. Búið er að skipta um þak, einangra og klæða húsið að innan. Að verkinu hafa komið fjöldinn allur af sjálfboðaliðum, bæði brottfluttir og heimamenn.
|
|
Nánar...
|
|
Gull úr greipum Ægis konungs - Grímsstaðavör |
|
Gert út frá Grímsstaðav ör
Langt fram eftir 20. öldinni var stundað útræði úr vörum á Reykjavíkursvæðinu. Flestar varirnar eru nú horfnar undir uppfyllingar og því fátt sem minnir á þennan þátt í atvinnusögu borgarinnar.
Grímsstaðavör er ein af sjö vörum við Skerjafjörð og sú þeirra sem lengst var róið frá. Betri lending var talin vera í Grímsstaðavör en í öðrum vörum við Skerjafjörðinn, meðal annars vegna skerja fyrir utan sem drógu úr öldunni. Vörin er kennd við bæinn Grímsstaði á Grímsstaðaholti. Grímsstaðaholtið afmarkast af Suðurgötu, Starhaga, Ægisíðu og Hjarðarhaga. Grímur Egilsson reisti sér býli á þessu svæði árið 1842 sem hann nefndi Grímsstaði. Fljótlega var farið að kenna holtið við býlið. Síðasti Grímsstaðabærinn stóð nálægt gatnamótum Dunhaga og Ægisíðu.
Grímsstaðavörin var þekktust fyrir útgerð grásleppubáta síðustu áratugina en áður fyrr var ekki síður gert út á þorsk og ýsu. Þegar mest var voru 16 bátar gerðir út frá vörinni. Þrír til fjórir réru alltaf en hinir um helgar eða þegar tími gafst til frá öðru. Tíðarfarið réði því hvaða daga var hægt að róa. Björn Guðjónsson gerði síðastur út frá Grímsstaðavör eða allt til ársins 1998.
|
|
Nánar...
|
|
 "Krókaleið um Snæfellsnes"
Á Snæfellsnesi eru minjar og mannlíf tengd útgerð og sjósókn, allt frá landnámi til vorra daga. Þar finnst margt áhugavert tengt sjónum, sem gaman er að heyra um, upplifa og skoða, eða jafnvel smakka.
Hópur fólks á Snæfellsnesi hefur nú tekið höndum saman og eru að vinna að verkefni sem byggir á nálægð við sjóinn, þeim tækifærum og sérstöðu sem það skapar þessu svæði. Verkefnið kallast Lífið við sjávarsíðuna – áfangastaðurinn Snæfellsnes.
Markmiðið með þessu verkefni er að miðla þekkingu, auka framboð á dægradvöl og auðga upplifun þeirra sem sækja Snæfellsnes heim.
Í sumar var gefin út lítil „krókabók“ – þar sem kynntir eru 14 aðilar sem eru í Krókaverkefninu (verkefnið er kallað Krókaverkefnið í daglegu tali) og eru nú þegar með einhverja „vöru“ að bjóða fólki. Það er líka hægt að safna stimplum í þessa bók þegar maður heimsækir staðina.
Þessu verkefni var ýtt úr vör nokkuð nýlega og var haldið námskeið fyrir þátttakendur vorið 2009 í samstarfi við IMPRU og Hólaskóla. Í framhaldi af því varð nokkur vöruþróun hjá einstaka aðilum í verkefninu; einhverjir eru enn að þróa sína vöru og eru ekki byrjaðir að taka á móti fólki, en svo eru líka rótgrónir aðilar þátttakendur í þessu verkefni þar sem starfsemin hefur verið að þróast og geta þeir aðilar miðlað af reynslu sinni.
Í pdf skjalinu hér a neðan er að finna upplýsingar um grunnhugmyndina sem lagt var af stað með í þetta verkefni og þátttakendalistann.
Listi yfir þátttakendur
Frekari upplýsingar |
|
Húni II er stærsta eikarskip smíðað á Íslandi sem enn flýtur, smíðaður í Skipasmíðastöð KEA á Akureyri 1962-1963. Skipið var í fyrstu á síldveiðum en síðar á þorskanetum, trolli, humar, línu, netum og svo aftur á síld. Um 1990 lenti skipið á kvótakerfisflakki þegar tilhneiging var til að úrelda gamla báta, ekki hvað síst trébáta og fórna þeim fyrir önnur skip. Árið 1994 keypti Þorvaldur Skaptason bátinn á Seyðisfirði fyrir 10 krónur, þá var hann vélarlaus og beið þess að vaskir menn settu hann á áramótabrennu. Þorvaldur hraktist með bátinn á milli staða og reyndi að finna honum hlutverk. Endaði með hann í hvalaskoðun í Hafnarfirði ásamt konu sinni Ernu. Árið 2004 var bátnum siglt til Akureyrar og þar var stofnað um hann félag – Hollvinafélag Húna II. Árið 2006 keyptu ríki, bær og KEA skipið af Þorvaldi og færðu Iðnaðarsafninu að gjöf. Gjöfinni fylgir sú yfirlýsing að Hollvinafélagið Húni II skuli taka að sér rekstur skipsins. Þannig hefur það verið síðan og er Húni II gerður út fyrir ferðmenn, skóla og einstök verkefni.
Hægt er að nálgast bæklinginn Verum klár, borðum fisk hérna í pdf skjali. |
|
|
|
|
<< Fyrsta < Fyrri 1 2 Næsta > Síðasta >>
|
|
Síða 1 af 2 |
Áhugaverð verkefni
