Gísli Pálsson mannfræðíngur ræðir hér um hvort skipstjórar láti "skynsemi" eða óljós hugboð ráða ferðinni þegar þeir taka ákvarðanir um róðra og fiskimið og hvort aðferðir þeirra séu tengdar því hvort þeir fiska vel eða illa. Hann teflir saman almennri "ethnografískri" vitneskju um veiðibúskap Íslendinga og tölulegri vitneskju um þorskveiðar frá einni verstöð. Niðurstöður leiða í ljós að enda þótt að nokkru leyti sé unnt að skýra val á veiðistað með hliðsjón af hlutlægum og mælanlegum þáttum, er ekki loku fyrir það skotið að innsæi og frumlegar hugdettur skipti máli. Hins vegar verði ekki séð að skýrt samband sé milli aðferða skipstjóra við ákvarðanatöku og þess hve vel þeir afla.

Hugboð eða hyggjuvit? Ákvarðanir íslenskra skipstjóra